Danbakaren biharamunean, sarituekin solasean
Danbaka Musika Lehiaketaren bosgarren edizioa bukatu da. Egubakoitzean, urtarrilaren 13an, jokatu zen finala Bergarako Seminarixoan, eta bertan izan ziren sarituak gonbidatu dituzte Hemen Debagoiena telebista saiora.
Jokin Larrañaga, The Clayton taldeko abeslaria; Aiert Alberdi bakarlaria; eta Julen Agirre, Letagin taldeko kidea, izan dira gonbidatuak. Hain justu, The Clayton-ek irabazi zuen lehiaketa; Alberdik, berriz, Publikoaren Saria lortu zuen, eta azkenik, Letagin taldearentzako izan da Ekinez-Goiena Saria.
